Youtube ni Nini?

0
Youtube ni nini?
Hii ni swali ambalo watu wengi hujiuliza hasa wale ambao hawajawahi kabisa kutumia mtandao huu wa kijamii.

Youtube ni tovuti ambayo inaruhusu watu kupakia(upload), kutazama, kushiriki(share) na kutoa maoni kwenye video za aina mbalimbali. Video hizo zinaweza kuwa za burudani, elimu, habari, michezo, siasa, dini, biashara na kadhalika.

Youtube ilianzishwa mwaka 2005 na watu watatu ambao ni Chad Hurley, Steve Chen na Jawed Karimna ilinunuliwa na Google mwaka 2006. Tangu hapo, Youtube imekuwa mojawapo ya tovuti maarufu zaidi ya video duniani na ina watumiaji zaidi ya bilioni mbili kila mwezi.

Youtube inapatikana katika lugha zaidi ya mia moja na ina video zaidi ya bilioni tano zilizopakiwa.

Ili kutumia Youtube, unahitaji kuwa na akaunti ya Google ambayo ni bure na rahisi kuunda. Katika akaunti hiyo, unaweza kupakia(upload) video zako, kujiunga(Subscribe) na channel unazozipenda, kushiriki(share) video na marafiki, kupata mapendekezo ya video zinazokuvutia na kufuatilia maendeleo ya video zako kwenye Youtube.

Pia wanaweza kuunda orodha za kutazama(playlist), kupakua(download) video kwa ajili ya kutazama bila mtandao(offline mode) na kushiriki(share) video kwenye mitandao mingine ya kijamii.

Youtube pia ina huduma nyingine kama vile Youtube Music, Youtube Premium, Youtube Kids na Youtube TV ambazo zinakupa fursa zaidi za kufurahia video unazopenda.

Video za YouTube zinaweza kuwa za aina yoyote, ikiwa ni pamoja na:
  • Video za muziki
  • Video za filamu
  • Video za vipindi vya televisheni
  • Video za habari
  • Video za michezo
  • Video za elimu
  • Video za ucheshi
  • Video za vlogger

Hapa kuna baadhi ya mambo ambayo unaweza kufanya kwenye YouTube:
  • Tazama video kutoka kwa waandaaji waliothibitishwa, kama vile wasanii, wanamuziki, waigizaji na wanablogu.
  • Pata mafunzo kuhusu mada mbalimbali, kama vile jinsi ya kupika, jinsi ya kutengeneza bidhaa, au jinsi ya kucheza michezo(games).
  • Tazama video za habari za hivi punde kuhusu matukio yanayotokea duniani kote.
  • Tazama video za ucheshi ili kucheka(mfano katika channel ya Cheka na Zephiline(subscribe)).
  • Tazama video za muziki ili kuburudika.
  • Tazama video za michezo ili kufurahia michezo yako unayopenda.
  • Tazama video za elimu ili kujifunza mambo mapya.

Hivyo Naamini Umeifahamu Youtube ni nini?
Naweza malizia kwa kusema:
Ni jukwaa la kujifunza, kujiburudisha, kujieleza na kushirikiana na watu wengine ulimwenguni kote.

Je, ungependa kujua jinsi ya kuipata Youtube na kuitumia?
Katika chapisho langu linalofuata, nitakuelekeza jinsi ya kuunda akaunti ya Youtube, jinsi ya kupakia video, jinsi ya kupata video unazotaka kutazama, na jinsi ya kutumia vipengele vingine vya Youtube.

Fuatilia website(zephiline.com) hii ili usikose chapisho langu linalofuata.

KAMA UNA MASWALI, CHANGAMOTO AU UNATAKA MSAADA PAMOJA NA USHAURI KUHUSU YOUTUBE WASILIANA NAMIMI NIPO KUKUSAIDIA
Tags

Chapisha Maoni

0Maoni
Chapisha Maoni (0)